Yin Or Yang?

واحد من حكماء الصين اسمه "لاو تسو" .. هالحكيم دوّن ملاحظاته من خلال تأملاته في الكون , وابتدع نوع من الفلسفة الصينية, اسمها "التــاو" .
هالفلسفة, تم تدوينها في كتاب هذا الحكيم الصيني, ومع مرور الزمن بدأوا الناس
يلاحظون عمق ودقة هذا الحكيم من خلال قراءة كتابه المشهور .
ومع مرور الزمن أكثر فأكثر .. اقتنعت الشعوب الشرق اسيوية بفلسفة هذا الحكيم
وصار القانون الصيني والحكمة الصينية تعتمد بشكل كلي على هذا المحور ..
هاذ الشيء سبب انقسام في هذي النظرية الى قسمين " روحاني وديني" .
الروحاني هو "التاو" , وهو محور موضوعنا .. والديني هو "الكنفوشية" ومالنا علاقة فيها .


مبدأ التاو
ين & يان
- / +

هل انت إنسان متوازن الشخصية ؟
هل لديك جانب من شخصيتك يطغى على الاخر ؟ ولماذا ؟

هذي السؤالين كانت في فترة من الفترات, اسئلة محيرة, ومربكة في نفس الوقت
وذي السؤالين هي افتتاحية مبدأ التاو ككل واللي أيّده العلم بعد مرور الاف السنين .

الجانب العلمي والثابت يقول :
(العقل البشري ينقسم الى شق ايمن وشق أيسر, وكل قسم منهما يعمل مستقلا عن الآخر
لكن عمله في نفس الوقت متمم لعمل الآخر) .

هذي النظرية العلمية كلنا درسناها .. لكن الشيء الغريب ان مبدأ التاو بنفسه تكلم عن الشيء ذا

مبدأ التاو يقول :
(كل شيء يشتمل على مبدأين متعاكسين ولكن متكاملين, ولابد من وجودهما معا في ذلك الشيء) .

المبدأين اللي تعنيهم النظرية ذي هم "الين واليان" .
طيب وش هو الين, ووش هو اليان ؟


الين هو الجانب المظلم, واليان هو الجانب المضيء ..
الين هو الانثى, واليان هو الذكر ..
عشان اوضح لكم الصورة اكثر , ومفهوم هذي النظرية الصينية .. راح اعطيكم مثال بسيط

خلونا نشوف عالطبيعية (الرجل والمرأة) او (الذكر والانثى)
هل الذكر مثل الانثى ؟ بالطبع لا !!.. ( الاثنين مختلفين متعاكسين )
هل بدون الذكر يكون في انثى ؟ بالطبع لا.. (الاثنين متكاملين)
هل بدون الاثنى يكون في ذكر ؟ بالطبع لا.. (الاثنين متكاملين)

اذا نستنتج ان الذكر والانثى عنصرين متعاكسين مختلفين, ولكن متكاملين بنفس الوقت
بحيث ان كل واحد منهم هو مكمل للاخر, ومستحيل يوجد احد فيهم بدون الآخر .

مثال ثاني :
الليل والنهار, عنصرين مختلفين !
لكن لو مافي نهار, هل بيكون في ليل ؟! بالطبع لا ..
ونفس الشيء لو مافي ليل, بالتالي مافي نهار ..
اثنينهم مختلفين لكن مكملين لبعضهم البعض, وكل واحد فيهم هو سبب لوجود الآخر .

وكل شيء في الطبيعة يخضع لهذي الفلسفة الصينية ..
الخير والشر , النور والظلام, القوة والضعف,كل شيء في هذي الحياة يحتوي على نقيضين
والانسان مجموعة من التناقضات المكلمة لبعضها البعض .

يوجد الين واليان في المكان الواحد, ولكن اذا كبر احدهم , الثاني يتضائل (يصغر) .
لكن مايختفي ابدا !! .
يندمجون مع بعضهم بنسب مختلفة, وينتجون نتائج مختلفة, وصفات مختلفة, وشخصيات مختلفة.

والدوائر المعاكسة في كل منهم تبين انه لاشيء هو ين مطلقاً أو يان مطلقاً.
بل ان كل واحد منهم يحمل بذرة الآخر !.
ولايمكن لأي شيء ان يحتوي على كميات متساوية منهم ابدا.. لابد يكون واحد منهم اكبر من الثاني.
ين ويان مختلفين, ولكن متعادلين .
وهو توازن فعال يستمر في التغيير والتبديل, ولابد ان يملك كل شخص شيء منهم.
لكن بشرط, انه مايصل لدرجة الافراط في واحد منهم على حساب الآخر .
لأن انعدام التوازن بينهم يسبب الامراض النفسية والجسدية .

كل اللي سبق هو نص مبدأ الين واليان ..


الهرمونات ..

هرمون في جسم الانسان اسمه الاستروجين .
الاستروجين هو عبارة عن هرمون انثوي
وعكسه هو "التستستيرون" وهو هرمون ذكري ..
الهرمونين ذي لابد تكون موجودة في جسم كل شخص سواء ذكر او أنثى
لكن بنسب مختلفة, بالتالي الاستروجين يزيد في جسم الاثنى, ويقل عندها التستستيرون
والعكس , يزيد التستستيرون في جسم الرجل ويقل عنده الاستروجين .

بالتالي نقدر نعتبر ان الاستروجين هو الين, والتستستيرون هو اليان ..
اثنينهم متعاكسين, لكن اثنينهم مكملين لبعضهم البعض ويكونوا موجودين في جسم الرجل والمرأه .

حدد شخصيتك !.

انت الحين بإمكانك معرفة وجود التوازن من عدمة في شخصيتك
هل شخصيتك متزنة .. هل تميل للين ؟ ام هل تميل لليان ؟!
راح احط لكم اختبار فيه صفات مختلفة للين واليان .. انت جآوب وش الاغلب اللي فيك .
ومنها راح تعرف هل جسمك في حالة توازن طبيعي , ام يميل لاحد العنصرين ذي !

نجي للزبده .. اختبآر الين واليآن :
http://www.okcupid.com/tests/take?testid=914300788881879637

أول ما تدخل اختآر نيكست

تجآهل آخر خطوه, اللي بعد الأسأله ..
اضغط على شو مآي ريزولتس على طول.

Enjoy It.